Braziliya millisinin sabiq üzvü, hazırda İngiltərənin "Liverpul” klubunda forma geyinən Lukas Leyvanın Türkiyənin "Qalatasaray” klubuna keçidi baş tutmayacaq. 
Newsport.az-ın məlumatına görə , bu barədə "Qalatasaray” rəsmisi Levent Nazifoğlu məlumat verib. "NTV Spor”a açıqlama verən klub rəsmisi artıq tərəflər arasında danışıqların dayandığını təsdiqləyib:  
"Artıq Lukas Leyva məsələsi bizim üçün bağlı elan edilib. Diqqətimizi digər alternativlərə yönəltmişik”. 
Qeyd edək ki, Leyva ötən gün "Qalatasaray” rəsmilərindən fikirləşmək üçün bir günlük vaxt istəmişdi.