Arda Turan yenidən Türkiyə milli komandasının ümumi məşqlərində iştirak edib.

Newsport.az-ın Türkiyə mətbuatına istinadən yaydığı xəbərə görə, dünən ayağındakı problem səbəbindən fərdi qaydada məşq edən yarımmüdafiəçi artıq özünü yaxşı hiss edir.

Bugünkü məşqə milli komandaya dəvət olunan bütün futbolçular qatılıb.

Qeyd edək ki, Türkiyə yığması "Avro-2016"nın seçmə mərhələsində oktyabrın 10-u Çexiya ilə qarşılaşacaq.

Xatırladaq ki, Türkiyə millisində altı futbolçu zədə səbəbindən heyətdən çıxarılıb.