Terror təhlükəsi səbəbi ilə Türkiyə Super Liqasının XXVI turundan təxirə salınan "Qalatasaray” – "Fənərbaxça” matçı ötən gün baş tutub. Bakı vaxtı ilə saat 20:30-da baş tutan qarşılaşma bərabərliklə başa çatıb. Maraqla gözlənilən İstanbul derbisində qapılara qol vurulmayıb. 
Newsport.az-ın məlumatına görə, sözgedən qarşılaşmada ən çox tənqidə məruz qalan futbolçu "Qalatasaray”ın futbolçusu Sabri Sarıoğlu olub. Təxminən 1 aya yaxındır zədədən əziyyət çəkən futbolçu matçın 62-cı dəqiqəsində Emre Çolakın əvəzinə meydana daxil olub. Əvəzlənmə zamanı Sabrinin həddindən çox kökəlməsi diqqətdən yayınmayıb. Məhz bu hadisədən sonra "Qalatasaray”lı futbolçular şəxsi sosial şəbəkə hesabları vasitəsilə Sabrini tənqid atəşinə tutublar.