“Mançester Yunayted” “Real”ın yarımmüdafiəçisi Orelyen Tçuameni ilə maraqlanır.

Newsport.az “Roundtable” nəşrinə istinadən xəbər verir ki, “qırmızı şeytanlar” fransalı futbolçunu yay transfer pəncərəsində komandaya qoşulmağa razı salmağa çalışacaq. Bildirilir ki, “Real” Tçuameninin ayrılığına yalnız futbolçunun özü klubdan getmək istədiyini açıqlayacağı halda razılıq verəcək.

Daha əvvəl Tçuameni ilə komanda yoldaşı Federiko Valverde arasında münaqişə yaşandığı barədə xəbərlər yayılmışdı.

26 yaşlı yarımmüdafiəçi bu mövsüm bütün turnirlərdə 48 oyunda iştirak edib, 2 qol vurub və eyni sayda məhsuldar ötürmə verib.