“Atletiko”nun idman direktoru Mateu Alemani, hücumçu Antuan Qrizmannın yerinə başqa oyunçu axtarılması ilə bağlı sualı cavablandırıb.

Newsport.az “Atletiko Universe”-yə istinadən xəbər verir ki, o, bunu söyləyib:

“Qrizmann birbaşa əvəzlənə bilməz, oxşar oyunçu tapmaq sadəcə mümkün deyil. Komandanın əziyyət çəkməməsi üçün alternativlər axtarmalı olacağıq. Bu mövzuda artıq bəzi fikirlərimiz var. Planımız baş məşqçinin istəklərinə uyğundur”.

Fransalı futbolçu mövsüm bitdikdən sonra Madrid klubundan ayrılacaq.