Əvvəlcədən də gözlənildiyi kimi, Azərbaycan millisinin sabiq müdafiəçisi Rail Məlikov Türkiyə PTT I liqasında çıxış edən "Dənizlispor"la müqavilə imzalayıb.

Newsport.az xəbər verir ki, Məlikovla "Dənizlispor" arasında 1 illik müqaviləyə bağlanılıb!

Artıq "Dənizlispor"un rəsmi saytı da xəbəri təsdiqləyib. 1 illik müqavilə imzalayan Məlikov açıqlamasında yenidən bu kluba döndüyü üçün xoşbəxt oldğunu bildirib: "Bura mənim üçün evim kimidi. Geri döndüyüm üçün çox xoşbəxtəm. Bir çox klub məni istəyirdi. Amma sevdiyim və öyrəşdiyim "Dənizlispor"u seçdim. İnşallah, yeni mövsüm mənim və komandamın ili olar".