Azərbaycanın yunan-Roma güləşçisi Sənan Süleymanov Serbiyanın paytaxtı Belqradda keçirilən dünya çempionatının gümüş mükafatçısı olub.

Newsport.az xəbər verir ki, 77 kq çəki dərəcəsində mübarizə aparan güləşçi finalda qalib gələ bilməyib.

O, həlledici görüşdə Qırğızıstan təmsilçisi Akjol Mahmudova uduzub.

Qeyd edək ki, bu gün yunan-Roma güləşçilərimizdən Eldəniz Əzizli və Rafiq Hüseynov dünya çempionatının qızıl medalını qazanıb.