Lənkərandakı Heydər Əliyev Mərkəzində Cənub Regional Futbol Federasiyasının (CRFF) hesabat-seçki konfransı keçirilib.
Newsport.az-ın məlumatına görə, 9 rayondan olan səlahiyyətli nümayəndələr də tədbirin iştirakçısı olub.
AFFA İcraiyyə Komitəsinin üzvü İsgəndər Cavadov, Həvəskarlar Futbolu Federasiyası prezidenti Rüfət Əmirov isə qonaq kimi dəvət edilib.
Konfransda öncə ötən müddətdə görülən işlər barədə yazılı və viderolik şəkilində hesabat təqdim olunub, fikirlər dinlənilib, müzakirələr aparılıb. Ardınca isə CRFF-in prezidenti postuna seçkilər keçirilib.
Hazırkı prezident Sakin Məmmədzadə yekdilliklə hamını qabaqlayıb. Məmmədzadə növbəti 5 ildə də federasiyanın prezidenti kimi postunda qalacaq.