Beynəlxalq Olimpiya Komitəsinin (BOK) sessiyasında Fransa Alp dağlarının 2030-cu il Qış Olimpiya Oyunlarını qəbul edəcəyi qərarına gəlinib.

“BOK 2030-cu il Olimpiya Oyunlarının Fransa Alp dağlarında keçiriləcəyini elan etmək şərəfinə malikdir. İnanırıq ki, bu, böyük bir idman bayramı olacaq”, – deyə Beynəlxalq Olimpiya Komitəsinin prezidenti Tomas Bax bildirib.

Olimpiadalar üzrə komissiyanın rəhbəri Karl Stos bildirib ki, Fransa hökuməti oyunların keçirilməsinə təminat verməli və üç region – Evian, Ron-Alp və Provans-Alp arasında razılaşmanın təsdiqlənməsini təmin etməlidir. Fransa nümayəndə heyəti bu tələblərin hökumətin lazımi vəziyyətdə olduğu zaman həyata keçiriləcəyini təsdiqləyib.

Zəmanətlərin verilməsi üçün son tarix 31 dekabr 2024-cü ildir.

Xatırladaq ki, Parisdə Beynəlxalq Olimpiya Komitəsinin 142-ci sessiyası keçirilir. 2030-cu il Oyunlarına ev sahibliyi etmək üçün Solt Leyk Siti (ABŞ), Stokholm və Are (İsveç) də mübarizə aparırdı.

Əlavə edək ki, 2026-cı il Qış Olimpiya Oyunları Milanda və Kortina d’Ampezzoda keçiriləcək.