Futzal üzrə dünya çempionatının əsas mərhələsinin qrup oyunlarına hazırlıq məqsədilə Qazaxıstan yığması ilə yoldaşlıq oyunları keçirəcək Azərbaycan millisinin heyəti açıqlanıb.

Azərbaycan Futzal Federasiyasının mətbuat xidmətindən Newsport.az-a verilən məlumata görə, baş məşqçi Joze Alesio Da Silva sentyabrın 12-dən başlanacaq təlim-məşq toplanışına 13 futzalçı dəvət edib. Sezar De Angelis Jonatan, Amir Şojaei və Hadi Ahmadi komandaya Qazaxıstanda qoşulacaq. Toplanış 5 gün davam edəcək. Oyunlar isə Aktau şəhərindəki “Halyk Arena”da keçiriləcək və yerli vaxtla saat 17:00-da (Bakı vaxtı ilə saat 16:00) başlayacaq. Komanda səfərə sentyabrın 16-sı gecə saatlarında yola düşəcək.