"Həm də hakimlərə qarşı mübarizə apardıq”

Futzal üzrə Azərbaycan millisinin kapitanı Rizvan Fərzəliyev bu gün Belçika yığmasına qarşı keçirdikləri yoxlama oyununu (3:5) şərh edib. 

Newsport.az xəbər verir ki, o, federasiyanın rəsmi saytına açıqlamasında bunları söyləyib:
 
“Dünən Belçikaya gəldik, bu gün isə yoxlama oyunu keçirdik. Bu Avropa çempionatının final mərhələsinə hazırlıq baxımından sonuncu oyunumuz idi. Matça gələn ərəfədə heç də yaxşı xəbər almadıq. İki futzalçımızın COVİD-19 testi pozitiv çıxdı. Əlbəttə, oyunöncəsi bu cür xəbərlə qarşılaşmaq istər-istəməz psixoloji gərginlik yaratdı. Həm də oyun planımız pozuldu, meydana tam heyətlə çıxa bilmədik. Başlanğıc uğursuz alındı. Tam hazır olmadığımıza görə, həyəcan var idi. Bura hakimlərin qeyri-ədalətli qərarlarını da əlavə edək. Fineoya birbaşa qırmızı vərəqə verdilər ki, bu da düzgün qərar deyildi. Azlıqda qalmağımıza baxmayaraq, qol buraxmadıq".
 
R.Fərzəliyev bildirib ki, ikinci hissənin əvvəlində üstünlük onlarda idi: "Oyunumuzu düzəldə bildik, ancaq hakim ədalətsizliyi yenə sözünü dedi. Bu dəfə də meydanda azlıqda qaldıq. Təkcə Belçikaya qarşı deyil, həm də hakimlərə qarşı mübarizə apardıq. Uduzsaq da, rəsmi oyunlar ərəfəsində bu matçın bizə köməyi çox oldu. Ümid edirəm ki, Avropa çempionatında daha yaxşı çıxış edəcəyik”.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right