“Rəqib haqqında geniş təsəvvürüm yoxdur. Sadəcə, Çempionlar Liqasında “Zalsburq”la oynadıqlarını bilirəm”.Newspot.az xəbər verir ki, bu sözləri “Tvente” klubunun baş məşqçisi Alfred Şreduer deyib.

Hollandiya təmsilçisinin çalışdırıcısı “Qarabağ”la 5 il öncə Avroliqada keçirdikləri oyunlardan danışıb.

Azərbaycan çempionunu ciddi rəqib sayan Şreduer bildirib ki, “Qarabağ”ın Bakıda “Zalsburq”a 2:1 hesab ilə qalib gəldiyindən məlumatlıdır: “Amma səfərdə 0:2 uduzaraq mübarizəni dayandırıblar. Onların yaxşı baş məşqçisi olduğunu hamımıza məlumdu. “Qarabağ”ın indi necə oynadığını və hansı futbolçulara malik olduğunu bilmirəm. Mütləq rəqib haqqında geniş araşdırma aparacağıq."Qarabağ" bizim üçün yaxşı rəqibdir. Avroliqanın qrup mərhələsinə vəsiqə qazanmaq istəyirik və bunun üçün mübarizə aparcağıq"