Çempionlar Liqasının pley-off mərhələsinin ilk günündə üç matç keçirilib.
Newsport.az-ın məlumatına görə, millimizin forvardı Mahir Emrelinin formasını geyindiyi “Dinamo” səfərdə “Bodo Qlimt”lə qarşılaşıb. Matç Norveç klubunun 1:0 hesablı qələbəsi ilə başa çatıb. Emreli 69-cu dəqiqədə Mislav Orsiçin əvəzinə meydana daxil olub.
Türkiyə çempionu “Trabzonspor” isə Danimarkada yerli “Kopenhagen”ə uduzub.
Günün ən çox qol vurulan matçı isə Şotlandiyada olub. Belə ki, “Reyncers” PSV ilə 2:2 hesablı bərabərliyə razı olub.
“Bodo Qlimt” – “Dinamo” (Zaqreb) 1:0
Qol:Pelleqrino 37
“Reyncers” – PSV 2:2
Qollar: Çolak 40, Laurense 70 – Sanqare 37, Obispo 70
“Kopenhagen” – “Trabzonspor” 2:1
Qollar: Klaesson 9, Lerager 48 – Bakasetas 79
Cavab matçları bir həftə sonra baş tutacaq.