Almaniya bundesliqasında 2014/2015 mövsümünə yekun vurulub.

Newsport.az-ın məlumatına görə, sonuncu-  34-cü turun oyunları eyni gündə - bu gün keçirilib.

Çempionluu təmin edən "Bavariya" son tura "Maynts"la qarşılaşıb. Bu matçda 2:0 hesabı ilə qalib gələn Münhen klubu çempionatı 79 xalla tamamlayıb.

"Volfsburq" səfərdə "Köln"lə qarşılaşıb və 2:2 hesabı ilə bərabərə qalıb. Bu nəticə ilə xalını 69-a yüksəldən komanda bundesliqanı ikinci pillədə bitirib və Çempionlar Liqasına vəsiqə qazanıb. ÇL-də oynamağı təmin edən digər klub Münhenqladbax" "Borussiya"sı son matçda "Auqsburq"a uduzub - 1:3.

"Bayer" (Leverkuzen) isə Çempionlar Liqasının təsnifat mərhələsində oynamaq hüququ qazanıb.

Avropa Liqasına vəsiqə qazanan komandalar isə "Auqsburq", "Şalke" və "Borussiya" (Dortmund)  olub.

"Frayburq" və "Paderborn" aşağı liqaya düşüblər.
23 may 

Almaniya bundesliqası, 34-cü tur


"Borussiya" (Dortmund) - "Verder" (Bremen) - 3:2
Qollar: Kaqava, 15 (1:0), Obameyanq, 17 (2:0), Oztunali, 27 (2:1), Mxitaryan, 42 (3:1), Selassie, 85 (3:2)

"Borussiya" (Münhenqladbax) - "Auqsburq" - 1:3
Qollar: Raffael, 36 (1:0), Hoeybyerq, 72 (1:1), Tim Matavz, 77 (1:2), Moelders, 90 (1:3)

"Ayntraxt" - "Bayer" (Leverkuzen) - 2:1
Qollar: Seferoviç, 4 (1:0), Bellarabi, 6 (1:1), Madlunq, 39 (2:1)

"Köln" - "Volfsburq" - 2:2
Qollar: Yuya Osako, 3 (1:0), Luis Qustavo, 8 (1:1), İvan Perisiç, 15 (1:2), Robin Knoxe, 61-avtoqol (2:2)

"Hamburq" - "Şalke" - 2:0
Qollar: Oliç, 49 (1:0), Raykoviç, 58 (2:0)

"Hannover" - "Frayburq" - 2:1
Qollar: Kiyotake, 3 (1:0), Krmas, 84-avtoqol (2:0), Petersen, 90 (2:1)

"Hoffenhaym" - "Herta" - 2:1
Qollar: Modeste, 8 (1:0), Beerens, 72 (1:1), Roberto Firmino, 80 (2:1)

"Paderborn" - "Ştutqart" - 1:2
Qollar: Vusinoviç, 4 (1:0), Didavi, 36 (1:1), Ginczek, 72 (1:2)

"Bavariya" - "Maynts" - 2:0
Qollar: Levandovski, 25-pen (1:0), Şvaynştayqer, 48 (2:0)