“Beşiktaş”ın baş məşqçisi Sərgən Yalçın Türkiyə Superliqasında “Antalyaspor”la 1:1-lik heç-heçə etdikləri oyundan sonra maraqlı açıqlama verib. Newsport.az-ın məlumatına görə, o, rəqib futbolçuların tez-tez yerə yıxıldıqlarını deyib.

O bildirib ki, Antalya təmsilçisinin futbolçuları sankir meydanda ölü idilər:

“Sonuna qədər mübarizə aparacağıq. Rəqib futbolçular tez-tez yerə yıxılırdılar. Öldü zənn edirdik, amma sonra ayağa qalxırdılar. Belə oyunla 1 xal qazansalar da, nə olacaq? Qapıçımız heç matçda əziyyət çəkmədi. Belə komandalarla oyunda necə qalib gələcəyik? Ötən qarşılaşmada da heç 20 dəqiqə oyun olmadı”.