Türkiyə milli komandası Avropa çempionatında ilk matçda Xorvatiyaya 0 - 1 hesabı ilə məğlub olub.

Newsport.az-ın məlumatına görə, matçdan sonra komandanın kapitanı Arda Turan oyun haqda fikirlərini jurnalistlərlə bölüşüb. Təcrübəli futbolçu  qrupdan çıxmaq üçün sonadək mübarizə aparacaqlarını söyləyib: "Türk xalqından üzr istəyirəm. Özümüzü toparlamağımız lazımdı. Komanda yoldaşlarım yaxşı mübarizə apardı, amma bundan da yaxşı ola bilərdik. Ümüd edirəm İspaniyaya qarşı yaxşı oyun sərgiləyəcəyik. Biz mücadiləmizi sona dək davam etdirəcəyik. Çətin qrupda yer almışıq. Ümüdümüzü son matça daşıyacağıq".