Françesko Tottinin İtaliyanın "Roma” klubundakı taleyinə rəsmən aydınlıq gəlib. 
 
Newsport.az-ın məlumatına görə, 39 yaşlı əfsanəvi kapitan daha bir il "Roma”nın uğurları üçün çalışacaq. Bu barədə paytaxt təmsilçisinin rəsmi saytında məlumat yer alıb.  Məlumatda bildirilib ki, təcrübəli yarımmüdafiəçi ilə bu gün rəsmi müqavilə imzalanıb. 
 
Qeyd edək ki, Totti 1992-ci ildən "Roma”da çıxış edir. O, karyerasını yalnız bu kluba həsr edib.