Rafael Benitesin İngiltərənin "Nyukasl” komandasındakı gələcək taleyinə aydınlıq gəlib. Nyukasl təmsilçisi geridə qalan mövsümdə İngiltərə Premyer Liqasından aşağı liqaya yuvarlansa da, baş məşqçisi ilə yollarını ayırmayacaq. 
Newsport.az-ın məlumatına görə, bu gün tərəflər arasında rəsmi müqavilə imzalanıb. Karyerası ərzində "Liverpul”, "İnter”, "Çelsi”, "Napoli” və "Real” kimi komandaları çalışdıran mütəxəssis "Nyukasl”da qalmağa razılıq verib. 56 yaşlı ispaniyalı çalışdırıcı qarşıdakı 3 ildə də "sağsağanlar”ın uğurları üçün çalışıb, komandanı növbəti dəfə Premyer Liqaya yüksəltməyə çalışacaq. 
 
Qeyd edək ki, Benitez mövsümün sonuna bir neçə tur qalmış "Nyukasl”ı çalışdırmağa razılıq vermişdi.