Ötən il Samuel Eto`O başda olmaqla heyətini bir neçə ulduz futbolçu ilə gücləndirən Türkiyənin "Antalyaspor” klubu yeni mövsüm üçün sürpriz transferlər etməyi  planlaşdırır. 
 
Newsport.az-ın məlumatına görə, Antalya təmsilçisinin ilk hədəfi Yunanıstanın "Panatinaikos” klubunda forma geyinən məşhur futbolçu Maykl Essiendir.  Türkiyə mətbuatında yer alan xəbərə görə, "Antalyaspor” 33 yaşlı futbolçunu transfer etmək üçün Samuel Eto`O dan istifadə edir. Belə ki, Eto`O "Çelsi”də komanda yoldaşı olmuş futbolçunu Türkiyəyə gətirməyə çalışır.
 
Qeyd edək ki, Essienin adı bir müddət öncə "Qarabağ”la hallanırdı. Yunanıstan mətbuatı Qana milli komandasının sabiq üzvünün yayda "Qarabağ”la müqavilə imzalayacağını iddia edirdi.