Daha 4 güləşçimiz mübarizəyə başlayır Dünya çempionatı

Serbiyanın paytaxtı Belqradda keçirilən dünya çempionatı davam edir.

Newsport.az-ın məlumatına görə, bu gün Azərbaycanın daha dörd sərbəst güləşçisi mübarizəyə başlayacaq.

Orxan Abasov (79 kq) təsnifat mərhələsində Dünya Güləş Birliyinin (UWW) bayrağı altında çıxış edən İman Mahdavi ilə üz-üzə gələcək.

Əliabbas Rzazadə (57) 1/16 finalda Zeyn Riçardsla (ABŞ) qarşılaşacaq.

Turan Bayramov (74) 1/16 finalda bəhreynli Maqomedrasul Asluyevlə, Osman Nurmaqomedov (92) 1/8 finalda Teyvir Bol (Kanada) - Denis Sahaliuk (Ukrayna) cütünün qalibi ilə güləşəcək.

Bundan başqa, Maqomed-Başir Xaniyev (70 kq) təsəlliverici görüşdə polşalı Patrik Olenşinlə üz-üzə gələcək.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right