Futbol üzrə İngiltərə Premyer Liqasında 32-ci tura start verilib.

Newsport.az-ın məlumatına görə, ilk oyun günündə bir qarşılaşma baş tutub.

“Nyukasl” doğma meydanda “Vulverhempton”u sınağa çəkib. Meydan sahibləri bu oyundan minimal hesabla qalib ayrılıblar.

Şənbə günü beş qarşılaşma baş tutub. Səfərdə “Everton”la qarşılaşan “Mançester Yunayted” minimal hesabla məğlub olub. “Arsenal” da evdə “Brayton”a uduzub.

“Çelsi” səfərdə “Sauthempton”u 6 cavabsız qolla üstələyib. “Lids” səfərdə “Uotford”u, “Tottenhem” də “Aston Villa”nı darmadağın edib.

Turun mərkəzi oyununda “Mançester Siti” ilə “Liverpul” üz-üzə gələcək. Bu oyunun nəticəsi turnir cədvəlində lideri dəyişə bilər.

İngiltərə Premyer Liqası, 32-ci tur

8 aprel

Nyukasl – Vulverhempton 1:0
Qol: Vud, 72-pen.

9 aprel

Everton – Mançester Yunayted 1:0
Qol: Qordon, 27.

Arsenal – Brayton 1:2
Qol: Edeqor, 89 – Trossard, 29. Mvepu, 66.

Sauthempton – Çelsi 0:6
Qol: M.Alonso, 8. Maunt, 16; 54. Verner, 21; 49. Haverts, 31.

Uotford – Lids 0:3
Qol: Rapinya, 21. Rodriqo, 73. Harrison, 85.

Aston Villa – Tottenhem 0:4
Qol: Son, 3; 66; 71. Kuluşevski, 50.

10 aprel

17.00 Brentord – Vest Hem
17.00 Lester – Kristal Pelas
17.00 Norviç – Bernli
19.30 Mançester Siti – Liverpul