Azərbaycanın veteran şahmatçısı Fikrət Sideifzadə İtaliyada keçirilən dünya çempionatında çıxışını başa vurub.

Newsport.az-ın məlumatına görə, o, 65 yaşdan yuxarı şahmatçılar arasında yarışın sonuncu – 11-ci turunda Peter Petrana (Slovakiya) qalib gələrək xalını 7,5-ə çatdırıb.

Bu nəticə ilə Sideifzadə yekunda 15-ci yeri tutub.

Sideifzadə çempionatın gedişində beş qələbə qazanıb, eyni sayda oyunu heç-heçə başa vurub, bir dəfə isə məğlubiyyətlə üzləşib.