Kateqoriya: Futzal | Tarix: 26.11.2022 11:30
19 yaşadək futzalçılardan ibarət milli komandalar arasında təşkil olunacaq Avropa çempionatının əsas mərhələsində iştirak edəcək Azərbaycan millisinin yer aldığı 5-ci qrupun oyunları Bosniya və Herseqovinada keçiriləcək.
Newsport.az-ın məlumatına görə, komandamız növbəti mərhələyə yüksəlmək üçün meydan sahibləri ilə bərabər, Fransa və Yunanıstandan olan həmyaşıdları ilə mübarizə aparacaq. Bu mərhələnin oyunları gələn il martın 21-dən 26-dək keçiriləcək.
Yalnız qrup qalibləri final mərhələsinə yüksələcək. Final mərhələsi isə gələn ilin sentyabrında Xorvatiyada təşkil olunacaq.