Azərbaycan millisinin futzalçısı: "Bu formanı geyinmək qürurvericidir"

Kateqoriya: Futzal | Tarix: 12.10.2022 10:46

"Qələbə münasibəti ilə komanda yoldaşlarımı təbrik edirəm. Azərbaycan millisinin üzvü olmaq, formasını geyinmək hər birimiz üçün fəxr, qürurvericidir".

Newsport.az-ın məlumatına görə, bunu Azərbaycan millisinin futzalçısı Xəzər Ağalızadə səfərdə Yunanıstana 7:0 hesabı ilə qalib gəldikləri dünya çempionatının əsas seçmə mərhələ oyunundan sonra deyib.

Yığmada rəsmi matçda debüt edən oyunçu daha əvvəl Qazaxıstanla yoldaşlıq görüşündə meydanda olduğunu və U-19-un heyətində çıxış etdiyini xatırladıb: "Baş məşqçinin etimadını qazanmağa çalışdım. Bunun üçün də onun tapşırıqlarını yerinə yetirdim. Qol vurmaq üçün şansım oldu, təəssüf ki, fərqlənə bilmədim. Növbəti oyunlarda da şans qazanacağıma ümid edirəm. Əlbəttə, bunun üçün üzərimdə çox işləməliyəm".

Paylaş