“Barselona” mövsümün ortalarında maaş limitinə görə Dani Olmo və Pau Viktoru qeydiyyatdan keçirməkdə çətinlik çəksə də, müvəqqəti olaraq buna nail olmuşdu.

Newsport.az “BarcaUniversal”-a istinadən xəbər verir ki, hər iki futbolçu indi yenidən komandadan kənarlaşdırılma təhlükəsi ilə üz-üzədir.

La Liqa rəhbərliyi “Barselona”nın 100 milyon avroluq VİP oturacaq müqaviləsinin nəzərə alınmayacağını təsdiqləyib. Beləliklə, Kataloniya klubu növbəti dəfə feyr-pley prinsiplərinə əməl etmir. Göründüyü kimi, VİP yerlərin satışı ilə bağlı sözləşmənin qanunsuz olduğu müəyyən edilib. Bu isə Olmo və Viktorun qeydiyyatı üçün maliyyə baxımından problem yaranması deməkdir.

“Barselona” hazırda İspaniya çempionatında liderlik edərək, ikinci pillədəki “Real”ı 3 xal qabaqlayır.