Beqoviçin qapını qoruduğu oyunda qeyri-adi hadisə

İngiltərə Premyer Liqasının təxirə salınmış 20-ci turunun "Everton" - "Nyukasl" matçında (1:0) qeyri-adi hadisə yaşanıb.

Newsport.az xəbər verir ki, 50-ci dəqiqədə azarkeşlərdən biri meydançaya daxil olub və özünü plastik qandalla   "Everton"un qapıçısı Asmir Beqoviçin ( 2019-cu ildə icarə əsasında "Qarabağ"da çıxış edib) qoruduğu qapının dirəyinə bağlayıb.

Baş hakim Kreyq Pauson təhlükəsizlik xidmətinin əməkdaşlarının azarkeşi xilas edə bilməsi üçün görüşü dayandırmaq məcburiyyətində qalıb.

Bir müddət sonra stadion işçiləri azarkeşin boğazındakı plastik qandalı çıxarıblar.

Baş verənlərə görə 8-9 dəqiqəlik fasilə yaranıb və daha sonra hakim görüşü davam etdirib.

"Just stop Oil" ("Sadəcə nefti dayandırın") yazılı köynək geyən azarkeşin siyasi fəal olduğu vurğulanıb.

O, yeni neft yataqlarının işlənməsinin əleyhinə olduğu üçün bu cür addım atıb.

 

 





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right