DÇ-2022-nin seçmə mərhələsində Azərbaycan millisinin yer aldığı A qrupunda daha bir oyun keçirilib.

Newsport.az-ın məlumatına görə, V tur çərçivəsində Serbiya ilə Lüksemburq üz-üzə gəlib.

Üç gün əvvəl öz meydanında yığmamızı 2:1 hesabı ilə məğlub edən lüksemburqlular eyni uğuru Belqradda təkrarlaya bilməyib.

Serblər Aleksandar Mitroviçin birinci hissədə (22 və 35-ci dəqiqələrdə) dublu sayəsində önə keçib. 77-ci dəqiqədə Olivye Til lüksemburqluları ümidləndirsə də, ev sahibləri daha iki dəfə fərqlənib.

Əvvəlcə 82-ci dəqiqədə Maksim Şanot avtoqola imza atıb. 90+6-cı dəqiqədə isə Nikola Milenkoviç son nöqtəni qoyub.

Nəticədə 4:1 hesablı qələbə qazanan Serbiya 10 xala malik Portuqaliya ilə xallarının sayını bərabərləşdirib və turnir cədvəlində liderliyə yüksəlib.

Sentyabrın 7-də Serbiya seçmə mərhələ matçında İrlandiyanın qonağı olacaqsa, Lüksemburq Qətərlə yoldaşlıq görüşündə qarşılaşacaq.

A qrupu
Serbiya - Lüksemburq - 4:1
Qollar: Mitroviç, 22, 35, Şanot, 81 (öz qapısına), Milenkoviç, 90+6 - Oliver Till, 77