2022-ci ildə Qətərdə keçiriləcək dünya çempionatında iştirak edəcək daha bir komandanın adına aydınlıq gəlib.
Newsport.az-ın məlumatına görə, bu, Cənubi Koreya milli komandasıdır. Paulo Bentonun yetirmələri Asiya zonası üzrə seçmə mərhələnin qrup mərhələsini lider bitirib və mundiala vəsiqə qazanıb.
Cənubi Koreya yığması DÇ-2022-yə iştirak hüququ əldə edən 15-ci komanda olub.
Mundiala daha əvvəl ev sahibi Qətərlə yanaşı, Almaniya, İngiltərə, Braziliya, Argentina, Fransa, Belçika, Xorvatiya, İspaniya, Serbiya, İsveçrə, Niderland, İran və Danimarka vəsiqə əldə edib.