Ekvadorun Quayaquil şəhərində 10-13 avqustda keçiriləcək gənclər arasında Dünya çempionatında iştirak edəcək yığmamızın heyəti açıqlanıb.

Newsport.az-ın məlumatına görə, 65 ölkədən 400-ə yaxın idmançının qatılacağı yarışda Azərbaycan 8 idmançı təmsil olunacaq.

Avqustun 10-da Turan Bayramov (60 kq), bir gün sonra isə Vüsal Qələndərzadə (73 kq) və Qadir Hüseynov (73 kq), 12-də Elcan Hacıyev və Məhərrəm İmamverdiyev (81 kq) mübarizə başlayacaq. Həmin gün Vüqar Talıbov (90 kq) da tatamiyə çıxacaq.

Avqustun 13-də isə Ruslan Nəsirli(100 kq) və Kənan Nəsibov (100 +) da medal üçün mübarizə aparacaq. 

​Cüdoçularımız baş məşqçi Elxan Məmmədov və məşqçi Elxan Rəcəblinin rəhbərliyi altında çıxış edəcək.