PSJ-nin futbolçusu Tiaqo Motta Çempionlar Liqasının 1/8 finalında "Barselona" ilə cavab oyununu buraxacaq.
Newsport.az-ın məlumatına görə, bu barədə Paris klubunun baş məşqçisi Unai Emeri matç öncəsi keçirilən mətbuat konfransında bildirib. O, zədə səbəbindən Mottanın sözügedən qarşılaşmanı buraxacağını söyləyib.
Qeyd edək ki, "Barselona" - PSJ görüşü bu gün keçiriləcək. Bu komandalar arasında ilk oyunda Kataloniya klubu 0:4 hesabı ilə uduzub.