Premyer Liqanın 24-cü turunun "Sabah" - "Şamaxı"(5:1) matçından sonra qonaq komandanın baş məşqçisi Rüstəm Əliyev oyundan sonra mətbuat konfransında iştirak edib.
Newsport.az-ın məlumatına görə, Əliyev komandasının məğlubiyyətini dəyərləndirib:
"Açığı bu cür məğlubiyyət gözləmirdik. Komandaya bir həftədir ki, baş məşqçi təyin olunmuşam. Futbolçularla söhbətimiz olmuşdu. Həftəiçi futbolçular canla-başla məşqlərini davam etdirdilər, oyuna hazırlaşmışdıq. Komandadan qələbə, ən pis vəziyyətdə heç-heçə gözləyirdim. Amma acı məğlubiyyətlə üzləşdik. "Sabah" həqiqətən yaxşı komandadı. Murad Musayev gəldikdən sonra böyük dəyişikliklər olub, avrokuboklara oynayırlar. Hər şey də göz qabağındadı".