"Barselona" İngiltərə Premyer Liqasında oynayan futbolçu ilə maraqlanır.

Newsport.az-ın məlumatına görə, Kataloniya klubu "Lids"də oynayan Rafinyanı transfer etmək istəyir.

"Barsa" rəsmiləri braziliyalı futbolçunun agenti ilə görüşüb. Lakin kataloniyalılar ona görə "Lids"ə 70 milyon avro ödəmək niyyətində deyil. Onlar 25 yaşlı futbolçu üçün maksimum 35 milyon avro ödəyə biləcəyini qarşı tərəfə bildirib.

“Avai” yetirməsi olan futbolçu “Vitoriya Gimarayeş”, “Sportinq”, “Renn” klublarında oynadıqdan sonra 2020-ci ildə “Lids”ə keçib. O, 2021-ci ildən Braziliya millisinin formasını da geyinir.