Almaniyanın Qərb Regional Liqasında 11-ci turun oyunları keçirilib.
Newsport.az-ın məlumatına görə, millimizin forvardı Rüfət Dadaşovun çıxış etdiyi “Şalke”nin 2-ci komandası "Fortuna"nı (Köln) qəbul edib və matç 1:1 hesabı ilə nəticələnib.
Start heyətində meydana çıxan Rüfət sona qədər meydanda qalıb. "Şalke"nin yeganə qolunu da Dadaşov vurub. Forvard 83-cü dəqiqədə penalti zərbəsindən düzgün istifadə edib.
“Şalke 2” bu nəticədən sonra 12 xalla 20 kollektiv arasında 13-cü pillədə qərarlaşıb.