“Napoli”dən ayrılan Karlo Ançelotti "Everton"un baş məşqçisi təyin edilib..

Newsport.az klubun saytına istinadən xəbər verir ki, italiyalı mütəxəssislə 2023/24-cü il mövsümünün sonunadək müqavilə imzalanıb.

60 yaşlı çalışdırıcının illik qazancı 13 milyon avro olacaq. "Everton" Premyer Liqanı tərk etməsə, Ançelottiyə daha 3 milyon avro bonus ödəniləcək.

Təcrübəli mütəxəssis 2009/2011-ci illərdə "Çelsi"ni çalışdırıb və Premyer Liqa çempionluğu yaşayıb.