Azad agent statusu daşıyan almaniyalı futbolçu Samed Yeşil Türkiyənin "Sivasspor" klubu ilə müqavilə imzalaya bilər.
Newsport.az-ın məlumatına görə, Leverkuzen "Bayer"inin yetirməsi Super Liqa klubunda baxışda olub. Məşqçilər korpusunun rəyinə əsasən, 25 yaşlı hücumçu ilə müqavilə imzalanması barədə qərar verilib.
Yeşil 2012-ci ildə böyük ümidlərlə "Bayer"dən "Liverpul"a 1 milyon funt-sterlinqə transfer olmuşdu. Samed son mövsümü Almaniya III Liqa təmsilçisi "Yordinqen"də keçirib. Almaniyanın aşağı yaş komandalarında oynayan Yeşil gələcəyin ulduzu kimi qələmə verilirdi.