“Seltik” klubu heyətini yeni futbolçuyla gücləndirib.
Newsport.az xəbər verir ki, Şotlandiya təmsilçisi PSJ-nin forvardı Timoti Veanı transfer edib. Bu barədə klubun rəsmi saytı məlumat yayıb.
Vea mövsümün sonuna qədər icarə əsasında “Seltik”də forma geyinəcək.
18 yaşlı forvard “Seltik”in təlim-məşq toplanışına qoşulmaq üçün Dubaya yollanacaq.
Cari mövsümdə PSJ formasıyla 3 qarşılaşmaya çıxan Vea, bu oyunlarda 2 qol vurmağı bacarıb. 18 yaşlı hücumçu 8 dəfə də ABŞ millisinin şərəfini qoruyub.