“Mançester Siti”İngiltərə Premyer Liqasının başa çatmasına 5 tur qalmış ölkə çempionu olub.

Newsport.az-ın məlumatına görə, ötən gün səfərdə “Tottenhem”ə 3:1 hesabıyla qalib gələn Mançester Siti"nin yaxın izləyicisi “Mançester Yunayted” bu gün evdə “Vest Bromviç”ə uduzub (0:1). Komandalar arasında fərq 16 xal olub və Pep Qvardiolanın komandası çempionluğu rəsmiləşdirib.

Bu, “Mançester Siti”nin tarixində beşinci İngiltərə çempionluğudur (1936/37, 1967/68, 2011/12, 2013/14, 2017/18).