İspaniyanın “Barselona” klubunda ciddi itki yaşanıb.
Newsport.az xəbər verir ki, Katoloniya klubunun müdafiəçisi Samuel Umtiti sıradan çıxıb. Fransalı futbolçu “Barselona”nın “Selta Viqo” nu qonaq etdiyi matçda (2-2) zədələnərək meydanı tərk etmək məcburiyyətində qalıb.
Klubun rəsmi saytından edilən açıqlamaya görə, Umtiti tibbi yoxlamadan keçdikdən sonra, dizində yırtıq olduğu məlum olub. Futbolçunun 2 ay yaşıl meydanlardan kənarda qalacağı bildirilir. Belə olduğu halda 24 yaşlı oyunçu komandasına “El Klasiko”da kömək edə bilməyəcək. Xatırladaq ki, əzəli rəqiblərin görüşü 23 dekabr saat 16:00-da start götürəcək.
Qeyd edək ki, Samuel Umtiti 2011-2016-cı illər ərzində Fransanın “Loion” klubunda forma geyinib. 2016-cı ildən isə “Barselona” klubunun şərəfini qoruyur.