"Qarabağ"ın Çempionlar Liqasındakı rəqibi olan "Atletiko"nun hücumçusu Antuan Qrizmann açıqlama verib.
Newsport.az-ın məlumatına görə, adı bir çox nəhəng klublarla hallanan futbolçu yayda Madrid komandasından ayrılmadı və "Atletiko"da qaldı. Qrizmann komandanı tərk etməməsinin səbəbini belə izah edib:
"Atletiko"nu transfer qadağasına görə tərk etmədim. Qalmaq lazım olduğunu hiss etdim. Ayrılmağım çirkin addım olardı".
26 yaşlı hücumçunun "hindular"la müqaviləsi 2022-ci ilə qədərdir. Qrizmann bu mövsüm 13 oyuna 3 qol vurub və 3 assist edib.