“Real”ın baş məşqçisi Karlo Ançelotti İspaniya La Liqasının 27-ci turunun “Valensiya” ilə oyunundan sonra (2:2) futbolçusu Çud Bellinqemin qırmızı vərəqə alması haqda danışıb.
Newsport.az xəbər verir ki, italiyalı mütəxəssis oyundan sonra keçirilən mətbuat konfransında bu barədə deyib:
“Bellinqemin meydandan qovulması bizi narahat etmir, çünki o, hakimi təhqir etməyib. Bellinqem ona “Bu, lənətə gəlmiş qoldur!” dedi. Lakin onu təhqir etmədi”.
Xatırladaq ki, “Valensiya” - “Real” oyununda (2:2) qalmaqal baş verib. Matçın baş hakimi 90+9-cu dəqiqədə Cud Bellingemin vurduğu qələbə qolunu qeydə almayıb. O, qol vurulmazdan əvvəl oyunun bitdiyini bildirən final fitini səsləndirdiyini deyib. Bellinqem isə bu səbəbdən hakimlə mübahisə edib və qırmızı vərəqə alıb.