"Qola qədər oyun bərabər səviyyədə keçdi. Əslində ilk qolu biz vursaydıq, hesab bu cür olmaya bilərdi. Amma nəticədə uduzduq".
Newsport.az-ın məlumatına görə, bu sözləri MTK-nın baş məşqçisi Teodoru Vasilits Avropa Liqasının II təsnifat mərhələsində evdə "Qəbələ"yə uduzduqları oyundan (1:2) sonra deyib.
Macarıstanlı mütəxəssis komandasının hələ təslim olmadığını və Bakıya qələbə üçün gələcəklərini bildirib: "İlk görüşdəki məğlubiyyət təslim olmağımız anlamına gəlmir. Bakıya turu keçmək üçün gedəcəyik. İdmançı olmağımız bunu tələb edir. Baxmayaraq ki, "Qəbələ" çox güclü və təhlükəli komandadır. "Aktobe" ilə görüşdə müqayisədə bu matçda daha yaxşı oynadıq. Təəssüf ki, hesab oyuna görə olmadı".