Çempionlar Liqasında qrup mərhələsinin son turunda sabah “Roma” ilə qarşılaşacaq “Qarabağ”ın baş futbolçusu Maksim Medvedev oyunöncəsi mətbuat konfransında jurnalistlərin suallarını cavablandırdı.

Newsport.az-ın Romaya ezam olunan müxbirinin verdiyi xəbərə görə, o, əvvəlcə matç barədə fikirlərini bildirdi:

- Son oyunumuza gəlmişik. Rəqibi tanıyırıq, təzyiqsiz meydana çıxacağıq. Yaxşı oyun nümayiş etdirməyə çalışacağıq. “Roma” üçün hər şey bizimlə oyundan sonra bilinəcək.

- Sabahkı oyunda “Qarabağ”ın bir neçə müdafiəçisi oynaya bilməyəcək. Bu problemi necə yoluna qoyacaqsınız?
- “Qarabağ”ın 2 ən təcrübəli müdafiəçisi yoxdu. Amma onları əvəzləyə biləcək futbolçularımız var. “Roma” kimi rəqiblə hər dəfə oynamaq imkanımız olmur, amma həvəsli futbolçularımız var. Məhz bu həvəs sayəsində oynaya bilməyənlərin yerini sığortalaya bilərlər.

- Uzun illərdi “Qarabağ”dasan, yetərincə beynəlxalq təcrübən var. Karyeranı ölkə xaricində davam etdirmək istəyirsənmi? Ümumiyyətlə, hansısa təklif almısanmı?
- 5 ilə yaxındı Avropa səviyysəində çıxış edirik. İldən-ilə təcrübəmiz artır. Böyük klublara qarşı başabaş mübarizə aparırıqsa, digər futbolçular da Avropada çıxış edə bilər. Oyunlarmızı skautlar izləyir. Təkliflərin gəlməyi normal haldı.

- Karyeranboyu “Qarabağ”da çıxış etmisən, Rəşad Sadıqovun yoxluğunda meydana kapitan kimi sən çıxacaqsan. Onun yoxluğunu necə ifadə edə bilərsən?
- Onun yoxluğu böyük itkidi. Rəşadın varlığı bizim üçün motivasiya olur. Sabah çalıaşcam ki, Sadıqov kimi rəftar edib, komanda yoldaşlarıma dəstək olum, mübarizə aparaq.