Türkiyədə təlim-məşq toplanışında olan "Krılya Sovetov" növbəti yoxlama oyunu keçirib.
Newsport.az-ın klubun rəsmi saytına istinadən yaydığı xəbərə görə, millimizin üzvü Ramil Şeydayevin formasını geyindiyi Samara təmsilçisi Latviya "Spartak"ı ilə qarşılaşıb. Görüş Rusiya təmsilçisinin 5:2 hesablı qələbəsi ilə başa çatıb.
Millimizin üzvü sözügedən qarşılaşmada iştirak etməyib. Onun bu gün "Kaysar"a (Qazaxıstan) qarşı keçiriləcək növbəti yoxlama matçında oynayacağı gözlənilir.