17 yaşadək futbolçular arasında Avropa çempionatının seçmə mərhələsinin oyunları davam edir.

Newsport.az saytının məlumatına görə, millimiz 8-ci qrupda Albaniya ilə qarşılaşıb. Hər iki komanda elit-raunda vəsiqə şanslarını rəsmən itirdiyindən oyun tərəflər üçün formal xarakter daşıyırdı. Yığmamız əvvəlki 2 matçda olduğu kimi meydanı yenə məğlub tərk edib - 0:1.

Qrupun digər oyununda isə Çexiya Norveçə minimal hesabla qalib gəlib.

Qeyd edək ki, Ramin Quliyevin komandası bunadək Norveçə 1:4, Çexiyaya 0:2 hesabı ilə uduzub.


29 oktyabr

17 yaşadək futbolçular arasında Avropa çempionatı

17:00. Albaniya – Azərbaycan - 1:0
Qol: Mario Mitay, 44-pen

17:00. Norveç -  Çexiya - 0:1