Newsport.az-ın məlumatına görə, "qırmızı-qaralar"ın forvardı Baqali Dabo sıraya dönüb. Topaz Premyer Liqasının XXII turunda "Zirə" ilə səfər matçında zədə alan fransalı futbolçu kollektivlə məşqlərə başlayıb. O, "Neftçi" ilə qarşılaşmada baş məşqçi Roman Qriqorçukun ixtiyarında olacaq. Eyni sözləri "Zirə" ilə matçda Riçard Qadze ilə toqquşmada zədə alan qapıçı Dmitri Bezotosnı haqda söyləmək olar. "Qəbələ"nin əvəzedilməz simalarından olan ukraynalı böyük ehtimalla "Neftçi" ilə qarşılaşmada meydanda olacaq.
Əvəzində müdafiəçi Vitali Vernidub yenə meydana çıxa bilməyəcək.
Qeyd edək ki, komandalar arasında ilk görüşdə "Neftçi" minimal hesablı qələbəyə sevinib - 1:2.