Olimpik Star” İdman Kompleksində AFFA-nın dəstəyi ilə Əlillər Futbolu Federasiyası tərəfindən təşkil edilmiş eşitməqüsurlu əlillər arasında “1 iyun Uşaqların Beynəlxalq Müdafiəsi Günü”nə həsr olunmuş futzal turniri başa çatıb.
Newsport.az-ın məlumatına görə, turnirin qalibi “Zirvə” komandası olub.
“Birlik” 2-ci, “Şimşək” 3-cü yeri tutub. “Azəri” komandasının üzvü Rüfət Yusifov turnirin ən yaxşı oyunçusu, Şövkət Əskərov isə (Zirvə) ən yaxşı qapıçısı seçilib. “Zirvə” komandasının üzvü Nurlan Fətullazadə yarışın bombardiri olub.