Tokio-2020-də qadınların kanoe-slalom yarışına yekun vurulub.
Newsport.az xəbər verir ki, Avstraliyanı təmsil edən Cessika Foks (105.04) hamını qabaqlayaraq qızıl medal qazanıb. Böyük Britaniya idmançısı Mellori Frenklin (+3.64) ikinci, almaniyalı Andrea Hersoq (+6.09) üçüncü olub.
Cessika Rio-2016-da və Tokio-2020-də K1 yarışlarında bürünc medal qazanmışdı. Sonunda istəyinə nail olan avstraliyalı idmançı çempionluğu emosional şəkildə qeyd edib.
Qeyd edək ki, Cessika Foksun valideynləri də kanoe-slalomunun məşhur simalarındandılar.