Almaniya millisinin sabiq baş məşqçisi Yoahim Löv bu il keçiriləcək Avropa çempionatından sonra vəzifəsindən istefa vermək qərarını şərh edib.

Newsport.az xəbər verir ki, 61 yaşlı mütəxəssis "Sport1"ə açıqlamasında deyib:

"Martda keçiriləcək beynəlxalq oyunları, eləcə də Avropa çempionatının keçirilməsini səbirsizliklə gözləyirəm.

Milli komandanı tərk etməyim məşqçilik karyeramı bitirməyəcək. Çünki meydandakı oyunçularla çalışmaqdan, gündəlik işdən zövq alıram. Futbolçularla bir-bir məşq etməyi sevirəm.

Azarkeşlərimizi sevindirmək və Avroa çempionatında uğur qazanmaq üçün əlimdən gələni edəcəyəm. Bütün komandanın bunu istədiyini bilirəm".

Qeyd edək ki, Löv 2006-cı ildən Almaniya yığmasını çalışdırır.