"Barselona" heyətlə bağlı ciddi dəyişikliklərə hazırlaşır.
Newsport.az-ın məlumatına görə, Kataloniya təmsilçisi başda baş məşqçi Ernesto Valverde olmaqla, 12 futbolçu ilə yollarını ayıracaq. Qapıçı Yasper Silessen, müdafiəçilər Samuel Umtiti, Ceyson Murilyo, Jan-Kler Todibo, Tomas Vermalen, yarımmüdafiəçilər Filipe Koutinyo, Denis Suarez, Rafinya, Andre Qomeş, İvan Rakitiç, hücumçular Kevin-Prins Boatenq və Malkomun ispan klubunu tərk edəcəyi gözlənilir.
Qeyd edək ki, geridə qalan mövsümdə La Liqanı qazanan "Barselona", Çempionlar Liqasında yarımfinalda, İspaniya Kral Kubokunda isə finalda uduzub.