Türkiyənin "Başakşəhər" klubu ilk transferini reallaşıdırıb.
Newsport.az-ın məlumatına görə, İstanbul təmsilçisi PSV-nin müdafiəçisi Aziz Behiçi transfer edib.
Klubun idarə heyətinin sədri Mustafa Eröğüt 28 yaşlı sol cinah müdafiəçisinin keçidi üçün Hollandiya klubuna 1 milyon avro təzminat ödədiklərini deyib.
"Başakşəhər"ə transfer olduğum üçün xoşbəxt oldum. Əməyi keçən hər kəsə təşəkkür edirəm. İnşallah, çempionluqlara doğru gedəcəyik. Təklifdən sonra düşünmədim, dərhal qəbul etdim", - deyə Behiç transferi ilə bağlı fikirlərini bölüşüb.
Behiç 2013-18-ci illərdə Türkiyənin "Bursaspor" klubunda çıxış edib. PSV ötən yay avstraliyalı futbolçunu 4 milyon avroya transfer etmişdi.